1. Menelaus cum Alexandro, Alexandrum Venus eripuit.
Diomedes cum Aenea, Aeneam seruavit Venus. Idem cum Glauco,
in hospitio cognito discesserunt. Idem cum Pandaro et Glauco
alio, Pandarus et Glaucus occiduntur.
2. Ajax cum Hectore, donificantes discessere ; Ajax Hectori
donavit balteum, unde est tractus, Hector Ajaci gladium, unde
se interfecit. Patroclus cum Sarpedone, Sarpedon
occiditur.
3. Menelaus cum Euphorbo, Euphorbus occiditur, qui postea
Pythagoras est factus et meminit suam animam in corpora
transisse. Achilles cum Asteropaeo, Asteropaeus
occiditur.
4. Idem cum Hectore, Hector occiditur. Idem cum Aenea, Aeneas
fugatur. Idem cum Agenore, Agenorem seruavit Apollo. Idem cum
Penthesilea Amazone Martis et Otrerae filia, Penthesilea
occiditur. Antilochus cum Memnone, Antilochus occiditur.
Achilles cum Memnone, Memnon occiditur. Philoctetes cum
Alexandro, Alexander occiditur. Neoptolemus cum Eurypylo,
Eurypylus occiditur.